بنتظر الرد منك .. بقلم الشاعر: محمد البلاط
بنتظر الرد منك - ( غنائى ).....................................
فى غياهب وهم حبك تهت واحتار الدليل
مش بلومك او بعانبك بس قولى ايه البديل
قلبى متعشم فى قربك تفكيرى بقى فيك كثير
و بنتظر الرد منك او تورينى السبيل
بيه انجى قلبى منك غرقان فى بحر وهزيل
لا عارف يوصل لشطك ولا بر عليه يميل
ااااه يا قلبى واااه منك ليه بتلعب بيه كثير
لا الحنان بيه وصلك ولاليه فاكر تلين
و فى غياهب وهم حبك تهت واحتار الدليل
بنتظر الرد منك او تورينى السبيل
ذنبك انت يا قلبى ذنبك ا تشترى تعبك لنفسك
بعت اللى بيداديك واشتريت اللى يعاندك
شوفت عامل ايه فيك لطمك فرحان بلوعك
اشترى اللى شريك وبيع يا قلبى اللى بايعك
مش هيسأل يوم فيك طول ما حاسس انه ملكك
واسأله ايه السبيل اللى بيه انا انجى منك
فى غياهب وهم حبك تهت واحتار الدليل
مش بلومك او بعانبك بس قولى ايه البديل
او تورينى السبيل او تورينى السبيل
الشاعر: محمد البلاط - مصر
ليست هناك تعليقات