الجديد

يا روح الروح بشتاقلك .. بقلم الشاعر محمد البلاط

1/14/2017


يا روح الروح بشتاقلك - ( غنائى )
........................

يا روح الروح بشتاقلك بتقسى ليه وليه صدك

بصبر قلبى فى بعادك واقول يمكن يحن قلبك

اقول يمكن على بالك فى يوم نخطر ونحلالك

وقلبك رغم هجرانك يحن لينا ويعاندك

يا روح الروح بشتاقلك ومن جوايا يندهلك

حنين وصبر على بعدك ينسى القاسى لخصامه

نسيت الماضى واحلامه نسيت لياليه وايامه ؟؟؟؟؟؟؟؟

نسيت كلمة انا منك وما اتحملش لبعادك ؟؟؟؟؟؟؟؟؟؟

نسيت حتى ليالينا نسيتها خلاص وناسينا

وناسى جرح جرحتوا ودمع سال من عنينا

وقلبى اللى انت ذابحتوا وكان الهجر سكينه

يا ريتك كنت ريحتوا وما بعتش كده فينا

نسيتنا خلاص وما نسينا

ولقمة عيش كانت بينا بتوجعنا وتحنينا

ولا بننسا ولا بنقسى ولو قاصدها تنسانا

فيه لسه رباط ما بينا نرجع تانى ماضينا

وبشتاقالك يا روح الروح منين ما تروح جوانا

يا روح الروح بشتاقلك بلاش تقسى وتنسانا

يا روح الروح بشتاقلك

  الشاعر: محمد البلاط - مصر

 

ليست هناك تعليقات

الاشتراك في: تعليقات الرسالة ( Atom )